Meciritty

السلام عليكم ورحمة الله وبركاته،،

السلام عليكم ورحمة الله وبركاته،،


الفترة الاخيرة انشهر الكاڤيار لعلاج الشعر💆🏻 واكثر من شركة دارت منه ماسكات وكريمات واغلب الصالونات حاليا يستعملو فيه لعلاج الشعر.

من فترة تكلمت على السناب شات 👻 والانستجرام على علاج الكاڤيار للشعر الي نستعمل فيه وشرحت على السناب طريقة استعماله ، واخيرا جت الفرصة ان نكتب عليه تدوينة.
علاج الكاڤيار من كرِستس غير شعري  للاحسن طبعا بعد الڤيتامين الي خذيته و وغير شعري 180 درجة للافضل وكتبت عليه تدوينة تقدرو تشوفوها من هنا .

البوكس الكامل تبع علاج الكاڤيار من كرستس فيه 15 علبة صغيرة من الكاڤيار






 سعره 1200 درهم اماراتي بينما لما تديري جلسة وحدة في الصالون يعني علبة صغيرة وحدة تكلفك اقل شي 500 درهم اماراتي يعني فرق كبييييير في السعر فالافضل تاخدي البوكس كامل.
انا جربت اول جلسة عند الصالون وشفت طريقة استعماله والنتيجة كانت حلووووة فا توكلت على الله وقررت ان ناخد البوكس كامل.
اول شي ريحته حلوووة وتقعد في الشعر لين ما تغسليه ثاني ،، وثاني شي شعري قعدت فيه لمعة حلووة وترطب وقعد ناااعم بس مش مفرود يعني فيه كثافة غير ان لاحظت ان التقصف خف واجد ،، واكثر من حد لما شاف شعري يحساب ان مدايرتله استشوار وهو طبيعي .

استعماله من مرة لمرتين في الاسبوع بعد ما تغسلي بالشامبو على حسب طول وكثافة شعرك تحتاجي علبة او اثنين من الكاڤيار
تفتحيها وبعدين تحطي الشي هذا منعرفش شن اسمه🙊 تحطيه فوق علبه الكاڤيار وتضغطي عليه عشان يطلع السيروم الي فالكاڤيار



بعدها تحطي من الكريمة الي فالبوكس الكبير وطبعا الكمية برضو على حسب طول وكثافة الشعر 
وتخلطيهم مع بعض كويس بالعصايا الي هما حاطينها فالبوكس 


وتحطيها على شعرك كله وتبدي من تحت وبعدين تركبي فوق وحاولي ان تبعدي على فروة الشعر عشان ماتقعدش دهنية
وبعدها لفي عليه قزير او قصدير ومنشف ساخن وخليه اقل شي 10 دقايق لنص ساعة وبعدها اغسليه بس بالميا
وحتشوفي الفرق من اول استعمال
ننصح بيه وبقوة لان بجد غير شعري وااااجد ❣️

Snapchat: Meciritty
Instagram: Mecirittyblog

السلام عليكم ورحمة الله وبركاته ،،

غسول الوجه هو الشي الي كل بنت عندها يختلف من وحدة لثانية على حسب نوع بشرتها 



حنحكي رأيي في غسول الوجه والمقشر الي نستعمل فيهم 

في غسول جاني مع صندوق glam box عبارة عن عينة صغيرة ،، هو غسول بالكركم خالي من الصابون
حبييييته ،، اولا لانه ناااعم ولطيف عالبشرة وينظفها بس بدون ما يسبب جفاف للبشرة يشيل الزيوت والاوساخ الي فالبشرة وريحته مش قوية 
لو لقيته اكيييد حنشريه 

ثاني غسول هو غسول يومي ومزيل للمكياج في نفس الوقت ،، من ماركة شسيدو اليابانية 
ملمسه كريمي ،، صح سعره غالي لكن يستاهل ،، وكميته كبييييييرة ،، غير ان لما تستعمليه بس تاخدي منه شووووي ويكفيك للوجه كامل ،، وطبعا نستعمل فيه حتى عشان نحول مكياج العين 



بالنسبة للمقشر اليومي عندي من نيتروجينا ،، حطيته قبل في روتين العناية بالبشرة بس ماكتبتش رأيي فيه 
توا بعد جربته نقدر نحكم عليه ،، بالنسبة ليا مانستعملش في المقشر اليومي كل يوم ،، بس لما نحس ان بشرتي تحتاج تنظيف متوسط يعني اكثر من الغسول و اقل من المقشر 
ريحته حلووووة ،، خفيييييف عالبشرة ينفع للبشرة الحساسة تنظيفه مش عميق سطحي 


توا حنتكلم على احلى شي عندي واحلى شي استعملته 
مقشر من ماركة بوبي براون ، عبارة عن زي الرمل تستعمليه مع غسولك اليومي او مع ميا ينظف بعمممق ويشيل الجلد الميت 
والشي الاحلى ان مش بس للوجه تقدري تستعمليه للركبة والكوع 
غير هكي يعيش معاك فترة طويلة لان بس تحتاجي كمية بسيطة منه


وزي ما قلت له عدة استعمالات 
لو تبي تقشير خفيف وبسيط تستعمليه مع غسولك اليومي

ولو متوسط بالنسبة ليا نستعمل فيه مع المقشر اليومي مرة في الاسبوع



ولما نبي تقشير عمييق وهذا ندير فيه مرة في الاسبوعين او مرة في الشهر ناخد كمية بسيطة ونخلطها بس مع مية 


هل حنشريه منه مرة ثانية؟ اكيييييد بدون تفكير

💜💜💜

السلام عليكم ورحمة الله وبركاته،،

مسح الميك اب شي ضروري ،، لو تبي بشرتك تكون حلوة ونظيفة ماترقديش وانت مش ماسحة وجهك كويس من الميك اب ونفس الشي للعين ،،   
وتقريبا كل الماركات مدايرين makeup remover للعين وللوجه او للاثنين مع بعض 
المرة هذي حنتكلم على ماركة لانكوم Lancome 



شريت اول شي مزيل الميك اب بتاع العيون ،، عجبني بكككككل ،، اولا خفيف عالعين ومايطيحش الرموش ،، ثاني شي عبارة عن زي الميا يعني مافيش زيد ويدهن حوالين العين 
وريحته حلوة كأنها مية ورد

وينظف العين كويس بكل من الايشدو والماسكرا والكحل ،، ونستعمل فيه حتى للحواجب واحيانا للوجه كامل ويعطي فيا نفس النتيجة 
هل حنشريه مرة ثانية؟ 
عادة نحب نجرب منتجات جديدة بس اكيد لو مالقيتش بديل له حنرجعله اكيد



خذيت نوع ثاني من نفس الماركة شكره ليا اكثر من شخص وهو عبارة عن كريم مزيل للميك اب للعين والوجه 






جربته اول مرة ماعجبنيش واجد عطيته اكثر من فرصة لكن ماعجبنيش نهائيا
اولا لما مسحت بيه عيني حرقني وماقدرتش نكمل بيه وثاني شي ماينضفش كوويس بكككل 
نحتاج نمسح مرة واثنين وثلاثة وبرضو يكون في مزال ميك اب عالعين وعالوجه 







ميزة وحدة عنده ان يرطب الوجه شوي 
وللاسف خذيت الحجم الكبير ومعش عرفت كيف نكمله 
فا حاليا نستعمله لما مانكونش حاطة ميك اب ثقيل وبعدها نغسل وجهي بكلارسونك عشان تنظيف عميق 

ممكن نكون مستعملته غلط او ما عجبنيش ويعجب حد ثاني او يمشي معاه :)

السلام عليكم ورحمة الله وبركاته،،


من فترة محل ڤيكتوريا'ز سيكرت كان داير عرض على مجموعة الجسم Cotton moister complex تشري اثنين تاخدي الثالث مجاناً
المجموعة عبارة عن cream wash, body lotion, scrub wash, body oil
انا شريت بس الـ  cream wash و scrub wash وخذيت الـ body oil مجاناً




عبارة عن جل وفيه شوي حبيبات رقيقة جدا لدرجة انها ماتقشر ،، فا عاملته معاملة الـ shower gel واخر مرة نشري منه

نعتذر عن الانقطاع على الانستقرام والمدونة بسبب النقل والدراسة

الموضوع زي ما مكتوب في العنوان "حسابات تستحق المتابعةعلى الانستقرام"

اول حساب لمصورة ليبية مغتربة اسمها الاء 

تصويرها مميز وفي الطريق للإحترافية ماشاء الله ،، تستحق المتابعة

حسابها على الانستقرام

Alaa_busedra

ثاني حساب لمصورة اسمها الاء عمران ماشاء الله تصويرها واختيارها للإضاءة المناسبة وبرضو في الطريق للإحترافية 

حسابها على الانستقرام

Allaomran

ثالث حساب برضو لمصورة ليبية اسمها هديل تصور في المناسبات وصورها مميزة ماشاء الله 

حسابها على الانستقرام

_hnazmi_

رابع حساب لمدوِنة ليبية تكتب على عدة مواضيع في مجالات مختلفة وعندها حساب على الانستقرام وصفحة على الفيسبوك

حسابها على الانستقرام

Speciallyher 

عنوان مدونتها

http://www.speciallyher.blogspot.com.tr/?m=1

خامس حساب لبنت ليبية  غنية عن التعريف تحب 

اسمها مينيرڤا تحب الميك اب وحسابها على الانستقرام من اكثر الحسابات متابعة ،، ماشاء الله مؤخراً وصل عدد متابعينها لـ21500 متابع

حسابها على الانستقرام 

Menirvaamakeup

 

سادس حساب لشاب ليبي اسمه بدر ،، هوايته الكتابة بالخط العربي ماشاء الله مبدع ويستحق المتابعة 

حسابه على الانستقرام

Bader_alwaier

سابع حساب لبنت ليبية اسمها معالي تخصصها هندسة معمارية وهوايتها graphic design رسماتها جدا مميزة 

حسابها على الانستقرام 

Mhmg87

ثامن حساب هو حساب عن مدينة طرابلس ،، يوريكم أشياء وأماكن ممكن ماتعرفوهش او ماشفتوهش من قبل واكثر شي يميز الحساب وعاجبني انه بعيد كل البعد عن العنصرية والتحيز والسياسة

حسابه على الانستقرام 

Itripoli_

تاسع حساب لمدونة ليبية اسمها الليبية الذهبية تكتب على الأشياء الي تهم المرأة ومن هواياتها الأشغال اليدوية،، ماشاء الله من اكثر للحسابات الليبية متابعة وعندها صفحة على الفيسبوك ومدونة وحساب على الانستقرام وقناة على اليوتيوب 

حسابها على الانستقرام 

Goldenlibyan

رابط المدونة

http://www.goldenlibyan.com

عاشر حساب لبنت ليبية تدير في ڤيديوات قصيرة بعنوان DIY او اصنعيها بنفسك

من هواياتها التصميم 

حسابها على الانستقرام 

_miss_cordelia

هذي كانت 10 حسابات نتابع فيها ونشوف انها تستحق المتابعة لان كل حد فيهم عنده شي مميز وغير تقليدي :)

لو عندكم حساب مميز وتعتقدو انه يستحق نكتب عليه والناس يعرفو عليه اكثر اكتبولي اسمه في تعليق او على الانستقرام 🌸💜

السلام عليكم ورحمة الله وبركاته،،
 اكيد اكثر من حد عاجبينه منتجات واجدة في الانترنت لكن مش قادر يشريها عشان موضوع التوصيل او ان هذي المواقع الي فيها المنتجات ماعندهش توصيل دولي
الحل مع موقع MyUS.com












 الموقع فكرته ان يعطيك عنوان ورقم تليفون في امريكا خاص بيك ولما تطلب الغرض الي تبيه من الانترنت تحطلهم العنوان الي عطوه لك الموقع ويوصلهم وهما بعدين يبعتوه للدولة الي انت متواجد فيها والعنوان الي عطيته لهم.
ليا سنة تقريبا مشتركة معاهم شغلهم مرتب وماعمره وصلني شي مكسر او مخترب وديما التوصيل في الوقت غير ان طريقة الاشتراك ساهلة وكل شي واضح عندهم ولو احتجت شي عندهم live chat تسأل ويردو عليك في غضون دقايق ،،والخبر الحلو ان راسلتهم قالولي ان يوصلو لليبيا .




 عندهم 3 انواع من الاشتراكات ،،





 الاول اشتراك تدفع 10$ رسوم الاشتراك ومافيش رسوم شهرية لكن الشحن عن طريق الاشتراك هذا غالي شوي ،غير هكي ماعندهمش تخزين للشحنة يعني اول ما يوصل الطلب بتاعك يبعتوه لك على طول ، وسعر الشحن يكون عن طريق وزن الشحنة

ثاني اشتراك بالنسبة ليا نشوفه افضلهم وهذا نوع اشتراكي
الي هو تدفع 20$ رسوم اشتراك وكل شهر 7$ يخصموهم من بطاقة الڤيزا الي سجلت بيها 
سعر الشحن في الاشتراك هذا ارخص من نوع الاشتراك الاول غير هكي عندهم تخزين الشحنات وتقدر تتحكم في شحن طلبياتك يا اما شحن يومي او اسبوعي او شهري او عند الطلب 




ثالث نوع تدفع 35$ رسوم اشتراك و25$ كل شهر ،، اسعار الشحن نفس اسعار شحن الاشتراك الي قبله الفرق الوحيد ان النوع هذا يستقبلو مجلات واوراق بريد ،، بالنسبة ليا مانشوفش له لزمة الا لو كنت شخص عندك اوراق مهمة من امريكا وتبي تستقبلها لليبيا او الدولة الي انت فيها.

طريقة الاشتراك سهلة بكل 
اول شي تدخل على الموقع من هنا
بعدين تختار sign up نفس ما موضع في الصورة



 تعبي البيانات 



بعدين تحط عنوانك الي تبي تستلم الشحنات فيه 




وبعدها تحط معلومات بطاقة الشراء او الڤيزا 



وتختار نوع الاشتراك وبس :) .
هكي خلاص تعتبر سجلت وحيوصلك على ايميلك العنوان والرقم الهاتف في امريكا وتقدر تشري اي شي يعجبك من الانترنت❤