منتجات جربتهم وماعجبونيش!
السلام عليكم ورحمة الله وبركاته،،
زي ما مكتوب في العنوان ،، استعملت بعض المنتجات ماعجبونيش ومش حنعاود نشريهم مرة ثانية .
لو في منتج من الي حنذكرهم عجبك قوليلي شن الي عجبك فيه وكيف استعملتيه ،، ممكن نكون مستعملته غلط عشان هكي ماعجبنيش.
اول منتج هو ماسكرة فلورمار ،، تكلمت عليها من قبل في موضوع المسكرات الي جربتهم ، تقدرو تشوفوه من هنا
ثاني منتج هو اسفنجة الدمج من ماركة انجلوت INGLOT ،، كانت اول اسفنجة نشريها ،، ليش ماعجبتنيش؟ اول شي ياااااابسة ،، جربت نستعملها جافة وجربت بليتها ، نفس الشي مافيش فرق ،، ثاني الشي ماتدمجش نهائيا يعني زي بيها وزي بدونها وتمص في الكريمة واجد ،،
ثالث منتج هو برايمر قبل الفاونديشن من ماركة بينفت ،، مكتوب عليه ان يخلي الفاونديشن ثابت لمدة 15 ساعة ،، بالنسبة ليا هو بروحه كان صعب ان ينحط عالوجه يعني قاسي شوي ويتكتل ،، ممكن انا استعملته غلط :\ بس ما عجبنيش نهائيا ،، وماقدرتش حتى نكمله.
المنتج الثاني الي ماعجبنيش والي ممكن نسبة كبيرة منكم تستغرب ،، لانه جدا مشهور وناس واجدة عاجبها ، غير ان في مشاهير يستعملو فيه واكثر شخص انشهر بيه هي كيم كارديشيان ،، هي بودرة البن ني ،، الصفرا اسمها بانانا ،، جربتها اكثر من مرة وعطيتها اكثر من فرصة لكن ماعجبتنيش بككككل ،، لما نحطها على الكونيسلر كأني حاطة تراب تحت عيني ،، جربتها مع اكثر من كونسيلر مختلف لكن النتيجة كانت نفسها ،، وجربت حطيتها بالفرشة وجربت بالبيوتي بليندر ،، ونفس الشي النتيجة وحدة . فا لو انت استعملتيها وعجباتك قوليلي الطريقة كيف تحطي فيها
رابع منتج هو كريمة الحماية ضد الشمس ، المكتوب ان هي بالصبار ،، مع ان بشرتي مش دهنية لكن هذي خلتها كأنك حاطة طبقة من الزيت ،، غير الطبقة البيضا الي خلتها على وجهي ،، حتى حاولت ان نطفيها بالبودرة لكن مانفعش
خامس منتج وهو افششششل منتج في المجموعة كلها،، مزيل للميك اب من ماركة ذا بالم The Balm
البنت الي تبيع قالتلي ان هو الافضل مبيعا عندهم ومشهور وكويس وفيه عدة ڤيتامينات ،، بس لما جربته ماشالش الميك اب اساسا!! بس دهنلي وجهي ،، وجربت زي ما مكتوب على العلبة ان ندهن وجهي وعيوني بيه ونخليه 30 ثانية وبعدين نمسح بقطنة ،، بس زي ما قلت ماشالش ولا حاجة ،، عادة حتى لو المنتج ماعجبنيش نستعمله عشان يكمل لكن الشي هذا ماقدرتش نستعمله ومعش عرفت شن نديرله ،، هو ملمسه شمعي فا ممكن حنعامله معاملة الڤازلين وخلاص 😜
زي ما مكتوب في العنوان ،، استعملت بعض المنتجات ماعجبونيش ومش حنعاود نشريهم مرة ثانية .
لو في منتج من الي حنذكرهم عجبك قوليلي شن الي عجبك فيه وكيف استعملتيه ،، ممكن نكون مستعملته غلط عشان هكي ماعجبنيش.
اول منتج هو ماسكرة فلورمار ،، تكلمت عليها من قبل في موضوع المسكرات الي جربتهم ، تقدرو تشوفوه من هنا
ثاني منتج هو اسفنجة الدمج من ماركة انجلوت INGLOT ،، كانت اول اسفنجة نشريها ،، ليش ماعجبتنيش؟ اول شي ياااااابسة ،، جربت نستعملها جافة وجربت بليتها ، نفس الشي مافيش فرق ،، ثاني الشي ماتدمجش نهائيا يعني زي بيها وزي بدونها وتمص في الكريمة واجد ،،
ثالث منتج هو برايمر قبل الفاونديشن من ماركة بينفت ،، مكتوب عليه ان يخلي الفاونديشن ثابت لمدة 15 ساعة ،، بالنسبة ليا هو بروحه كان صعب ان ينحط عالوجه يعني قاسي شوي ويتكتل ،، ممكن انا استعملته غلط :\ بس ما عجبنيش نهائيا ،، وماقدرتش حتى نكمله.
المنتج الثاني الي ماعجبنيش والي ممكن نسبة كبيرة منكم تستغرب ،، لانه جدا مشهور وناس واجدة عاجبها ، غير ان في مشاهير يستعملو فيه واكثر شخص انشهر بيه هي كيم كارديشيان ،، هي بودرة البن ني ،، الصفرا اسمها بانانا ،، جربتها اكثر من مرة وعطيتها اكثر من فرصة لكن ماعجبتنيش بككككل ،، لما نحطها على الكونيسلر كأني حاطة تراب تحت عيني ،، جربتها مع اكثر من كونسيلر مختلف لكن النتيجة كانت نفسها ،، وجربت حطيتها بالفرشة وجربت بالبيوتي بليندر ،، ونفس الشي النتيجة وحدة . فا لو انت استعملتيها وعجباتك قوليلي الطريقة كيف تحطي فيها
رابع منتج هو كريمة الحماية ضد الشمس ، المكتوب ان هي بالصبار ،، مع ان بشرتي مش دهنية لكن هذي خلتها كأنك حاطة طبقة من الزيت ،، غير الطبقة البيضا الي خلتها على وجهي ،، حتى حاولت ان نطفيها بالبودرة لكن مانفعش
خامس منتج وهو افششششل منتج في المجموعة كلها،، مزيل للميك اب من ماركة ذا بالم The Balm
البنت الي تبيع قالتلي ان هو الافضل مبيعا عندهم ومشهور وكويس وفيه عدة ڤيتامينات ،، بس لما جربته ماشالش الميك اب اساسا!! بس دهنلي وجهي ،، وجربت زي ما مكتوب على العلبة ان ندهن وجهي وعيوني بيه ونخليه 30 ثانية وبعدين نمسح بقطنة ،، بس زي ما قلت ماشالش ولا حاجة ،، عادة حتى لو المنتج ماعجبنيش نستعمله عشان يكمل لكن الشي هذا ماقدرتش نستعمله ومعش عرفت شن نديرله ،، هو ملمسه شمعي فا ممكن حنعامله معاملة الڤازلين وخلاص 😜
Posts
عندك باودر البن ني حتى انا مامشتش معاي نهائيا بس البيوتي بلاندر من انجلوت لما استعملتها لي فاونديشن من انجلوت توزيعها حلو لكن لما غيرت الفاونديشن ماعجبتنيش بكل
ReplyDeleteمش مجربته الفاونديشن بتاع انجلوت ،، شن رايك فيه انت؟ عجبك؟
Deleteعادي يومي خفيف هلبة شريته مرة ومعاش مفكرة نشريه تاني
ReplyDelete