روتين العناية اليومي ببشرتي
السلام عليكم ورحمة الله وبركاته ،،
اليوم حنشاركم بروتيني اليوم للعناية ببشرتي ،، شن نستعمل من منتجات للصبح ولليل ورأيي فيها 💗
قبل بنبدا نبي نتكلم شوي على الاهتمام بالبشرة ،، نشوف في بعض البنات لما تقوليلها شن تستعملي كريمات تقولك نغسل في وجهي بالصابون ونطلع!!!😳😳(بالضبط هذا شكلي لما تقولي هكي)
صح يجن ايام نكسلو لكن مش لدرجة ان مانستعملوش اي كريمة لوجهنا ،، البشرة نفس الجسم بالضبط ،، محتاجة تغذية وعناية ،، تعطيها تعطيك .
نبدا بأول شي والي هو الغسول
قبل ما نحكي عليه خلي نقوللكم على طبيعة بشرتي ،، كانت عادية في الشتا تقلب جافة وفي الصيف شوي دهنية جيهة ال T-ZONE وصاااافية ماعنديش لا مشاكل في الحب ولا شي ،، بعدها صار عندي لخبطة في الهرمونات (هذا موضوع ثاني حنحكي عليه اول ما نكمل العلاج ان شاء الله ) المهم الحب انتشر في جيهة الرقبة والحنك(الذقن) بطريقة جدا مزعجة وبشعة😭💔،،مافيش حد مالاحظش الحب الي في وجهي ،
للاسف مانقدرش نحطلكم الصورة لانه جاي تحت الحجاب ،،
المهم كنت مرة خاشة على موقع كلارسونك بتاع الفرشة المشهورة لتنظيف البشرة ولقيتهم عارضين الغسول هذا ، قريت عليه لقيت ناس واجدة مادحينه ،، قررت ان نجربه مع ان كنت نعتقد ان مش حيديرلي شي بس مجرد دعايات وخلاص ،،
وصلني الغسول وقعدت نستعمل فيه مرتين في اليوم اول ما انوض وقبل مانرقد.
بكل صدق وامانة الغسول هذا بطل ،، اولا ما نشفش وجهي كله ،، وثانيا الحب خف بشكل ملحوظ وبنسبة كبييييييييرة،،
نجو لثاني شي الي هو التونر،، هو سائل ينحط على قطنة وتمسحي بيه وجهك ،، كل نوع بشرة ولها تونر معين ،، في الي يسكر المسام وفي الي نوعا ما يرطب ويستعمل بعد الغسول عشان يحول بقايا الميك اب وزي ما قلت لوظائف ثانية
التونر الي نستعمل فيه من ماركة كيلز
الماركة هذي اغلب منتجاتها طبيعية ،، زي ما تشوفو في التونر من تحت في زي النباتات او عشب صغير ،، ماعرفتش شن نقوله بالضبط 😥 ، المهم ان شاء الله فهمتوني.
لان الوقت صيف فا بشرتي عادية مايلة للدهنية ،، للامانة ،، ماعجبنيش نهائيا ،، صح ما يضرش لكن مايديرش في اي حاجة ،، وسعره مش رخيص ،، فا حنستعمله بس عشان يكمل لان حرام نرميه .
افضل تونر جربته هو من ماركة كلينيك ،، عندهم لكل نوع بشرة تونر ،، هو الافضل بالنسبة ليا.
ثالث شي الي هو السيرُم
نفس الشي من ماركة كيلز
لان زي ما قلتلكم طلعلي حب في وجهي،، الحب هذا لما يحول كان يسيب في اثار ،، والسيرُم هذا للبقع الداكنة ،، نفس الشي نستعمل فيه مرتين مرة في الصبح ومرة في الليل ،، بس نقطتين كافيات للوجه كله ،،
البقع الداكنة خففففت واجد لكن ما اختفتش ،،
نستعمل فيه ليا 5 شهور ،، يعني في تغيير لكن بطيء
بس عجبني طالما خفن البقع معناها بإذن الله حيحولن 😁
رابع مستحضر نستعمل فيه هو واقي الشمس☀
ليش ما تستعمليش في كريمة ترطيب قبله؟ لان النوع الي نستعمل فيه هو اساسا فيه نسبة ترطيب ،،
تقريبا باين من الصورة شن رأيي في المنتج هذا 😜
اولا نسبة الحماية 50spf ثانيا فيه ترطيب ،، واهم شي والي ندور عليه لما بنشري اي كريمة حماية ،، انه ما يديرش طبقة لونها ابيض عالوجه ،، ولا طبقة زيتية الي تحسيه كأنك داهنة وجهك بزيت .
حنشري منه ثاني اكيد ،، لان مالقيتش واقي شمس بنفس المميزات هذي .
خامس شي ومن الاشياء المهمة الي يغفلو عليها نسبة كبيرة من البنات ،، هي كريمة تحت العين
نفس الـشي من ماركة كيلز ،، مرطب للعين ومصحح للهالات السودة الي تحت العين ،، فيه لون بسييييط يعني ما يخفيش الهالات لكن يخلي زي الانارة تحت العين ،، مميزاته ان فيه حماية ضد الشمس 30spf هذا شي ممتاز بكل ،، والشي الثاني ان فيه لون حلو لما ينحط تحت العين ،، وخفيييييف عالعين
هل عالجلي الهالات السودة ؟ ايوة الهالات خفن تحت عيني واجد لكن مازال ما اختفنش ،، بس عدلت حتى نومي يعني ممكن الشي هذا ساعد اكثر
سادس شي الي هو مرطب الفم
نستعمل في اثنين ،، في الصبح نستعمل الي من ماركة كيلز لان فيه حماية ضد الشمس 4spf ،، مافيش لون شفاف وفي بعدة نكهات ،، وثقييييل يعني يرطب يرطب.
لابيلو نستعمل فيه مرات في الصبح لكن عادة في الليل ،، حتى هو حلو لكن مافيش حماية ،، وفيه لون خفيييييف ،، ترطيبه متوسط مش زي كيلز
هذا روتيني الصباحي
بالنسبة لليل نستعمل في كل المنتجات الي قلتهم ماعدا كريمة الحماية ضد الشمس وكريمة العيون
بعد السيرُوم
نحط في مرطب للبشرة العادية المايلة للدهنية
حتى هو من ماركة كيلز ،، هو جل مش كريمة ،، يرطب البشرة ويعطي شعور بالانتعاش بدون ما تكون البشرة دهنية ،، نحبه لانه خفيييف جدا عالبشرة وبسرعة تمتصه
اما كريمة العيون الي نستعمل فيها في الليل فهي من ماركة كيلز برضو
ماشفتش عيوب لها ،، وميزتها هي وحدة انها ترطب الجلدة الي تحت العين ،، ملمسها ثقييييل وهذا الشي يعجبني لكريمات الليل .
اخر شي حابة نحكي عليه هو منتج جديد شريته وجربته كم يوم لذلك مانقدرش نعطي رأي الكامل فيه
هو مقشر يومي من نيتروجينا بالقرب فروت الي هو البرتقال المر ،، تقريبا هذا اسمه
ريحته حلوووووة ،، حبيباته رقيقات مش خشنات ، لذلك عجبني لان بشرتي حساسة ،، لكن مانقدرش نحكم عليه لان استعملته بس مرتين ،، ان شاء الله بعد فترة حنكتبلكم رأيي فيه.
وبس
هذا كان روتيني اليومي لو عندكم اي استفسار اسألو في الكومنت تحت ولو في منتج استعملتوه وعجبكم تنصحوني بيه ياريت تكتبولي اسمه 💗
اليوم حنشاركم بروتيني اليوم للعناية ببشرتي ،، شن نستعمل من منتجات للصبح ولليل ورأيي فيها 💗
قبل بنبدا نبي نتكلم شوي على الاهتمام بالبشرة ،، نشوف في بعض البنات لما تقوليلها شن تستعملي كريمات تقولك نغسل في وجهي بالصابون ونطلع!!!😳😳(بالضبط هذا شكلي لما تقولي هكي)
صح يجن ايام نكسلو لكن مش لدرجة ان مانستعملوش اي كريمة لوجهنا ،، البشرة نفس الجسم بالضبط ،، محتاجة تغذية وعناية ،، تعطيها تعطيك .
نبدا بأول شي والي هو الغسول
قبل ما نحكي عليه خلي نقوللكم على طبيعة بشرتي ،، كانت عادية في الشتا تقلب جافة وفي الصيف شوي دهنية جيهة ال T-ZONE وصاااافية ماعنديش لا مشاكل في الحب ولا شي ،، بعدها صار عندي لخبطة في الهرمونات (هذا موضوع ثاني حنحكي عليه اول ما نكمل العلاج ان شاء الله ) المهم الحب انتشر في جيهة الرقبة والحنك(الذقن) بطريقة جدا مزعجة وبشعة😭💔،،مافيش حد مالاحظش الحب الي في وجهي ،
للاسف مانقدرش نحطلكم الصورة لانه جاي تحت الحجاب ،،
المهم كنت مرة خاشة على موقع كلارسونك بتاع الفرشة المشهورة لتنظيف البشرة ولقيتهم عارضين الغسول هذا ، قريت عليه لقيت ناس واجدة مادحينه ،، قررت ان نجربه مع ان كنت نعتقد ان مش حيديرلي شي بس مجرد دعايات وخلاص ،،
وصلني الغسول وقعدت نستعمل فيه مرتين في اليوم اول ما انوض وقبل مانرقد.
بكل صدق وامانة الغسول هذا بطل ،، اولا ما نشفش وجهي كله ،، وثانيا الحب خف بشكل ملحوظ وبنسبة كبييييييييرة،،
نجو لثاني شي الي هو التونر،، هو سائل ينحط على قطنة وتمسحي بيه وجهك ،، كل نوع بشرة ولها تونر معين ،، في الي يسكر المسام وفي الي نوعا ما يرطب ويستعمل بعد الغسول عشان يحول بقايا الميك اب وزي ما قلت لوظائف ثانية
التونر الي نستعمل فيه من ماركة كيلز
الماركة هذي اغلب منتجاتها طبيعية ،، زي ما تشوفو في التونر من تحت في زي النباتات او عشب صغير ،، ماعرفتش شن نقوله بالضبط 😥 ، المهم ان شاء الله فهمتوني.
لان الوقت صيف فا بشرتي عادية مايلة للدهنية ،، للامانة ،، ماعجبنيش نهائيا ،، صح ما يضرش لكن مايديرش في اي حاجة ،، وسعره مش رخيص ،، فا حنستعمله بس عشان يكمل لان حرام نرميه .
افضل تونر جربته هو من ماركة كلينيك ،، عندهم لكل نوع بشرة تونر ،، هو الافضل بالنسبة ليا.
ثالث شي الي هو السيرُم
نفس الشي من ماركة كيلز
لان زي ما قلتلكم طلعلي حب في وجهي،، الحب هذا لما يحول كان يسيب في اثار ،، والسيرُم هذا للبقع الداكنة ،، نفس الشي نستعمل فيه مرتين مرة في الصبح ومرة في الليل ،، بس نقطتين كافيات للوجه كله ،،
البقع الداكنة خففففت واجد لكن ما اختفتش ،،
نستعمل فيه ليا 5 شهور ،، يعني في تغيير لكن بطيء
بس عجبني طالما خفن البقع معناها بإذن الله حيحولن 😁
رابع مستحضر نستعمل فيه هو واقي الشمس☀
ليش ما تستعمليش في كريمة ترطيب قبله؟ لان النوع الي نستعمل فيه هو اساسا فيه نسبة ترطيب ،،
تقريبا باين من الصورة شن رأيي في المنتج هذا 😜
اولا نسبة الحماية 50spf ثانيا فيه ترطيب ،، واهم شي والي ندور عليه لما بنشري اي كريمة حماية ،، انه ما يديرش طبقة لونها ابيض عالوجه ،، ولا طبقة زيتية الي تحسيه كأنك داهنة وجهك بزيت .
حنشري منه ثاني اكيد ،، لان مالقيتش واقي شمس بنفس المميزات هذي .
خامس شي ومن الاشياء المهمة الي يغفلو عليها نسبة كبيرة من البنات ،، هي كريمة تحت العين
نفس الـشي من ماركة كيلز ،، مرطب للعين ومصحح للهالات السودة الي تحت العين ،، فيه لون بسييييط يعني ما يخفيش الهالات لكن يخلي زي الانارة تحت العين ،، مميزاته ان فيه حماية ضد الشمس 30spf هذا شي ممتاز بكل ،، والشي الثاني ان فيه لون حلو لما ينحط تحت العين ،، وخفيييييف عالعين
هل عالجلي الهالات السودة ؟ ايوة الهالات خفن تحت عيني واجد لكن مازال ما اختفنش ،، بس عدلت حتى نومي يعني ممكن الشي هذا ساعد اكثر
سادس شي الي هو مرطب الفم
نستعمل في اثنين ،، في الصبح نستعمل الي من ماركة كيلز لان فيه حماية ضد الشمس 4spf ،، مافيش لون شفاف وفي بعدة نكهات ،، وثقييييل يعني يرطب يرطب.
لابيلو نستعمل فيه مرات في الصبح لكن عادة في الليل ،، حتى هو حلو لكن مافيش حماية ،، وفيه لون خفيييييف ،، ترطيبه متوسط مش زي كيلز
هذا روتيني الصباحي
بالنسبة لليل نستعمل في كل المنتجات الي قلتهم ماعدا كريمة الحماية ضد الشمس وكريمة العيون
بعد السيرُوم
نحط في مرطب للبشرة العادية المايلة للدهنية
حتى هو من ماركة كيلز ،، هو جل مش كريمة ،، يرطب البشرة ويعطي شعور بالانتعاش بدون ما تكون البشرة دهنية ،، نحبه لانه خفيييف جدا عالبشرة وبسرعة تمتصه
اما كريمة العيون الي نستعمل فيها في الليل فهي من ماركة كيلز برضو
اخر شي حابة نحكي عليه هو منتج جديد شريته وجربته كم يوم لذلك مانقدرش نعطي رأي الكامل فيه
هو مقشر يومي من نيتروجينا بالقرب فروت الي هو البرتقال المر ،، تقريبا هذا اسمه
ريحته حلوووووة ،، حبيباته رقيقات مش خشنات ، لذلك عجبني لان بشرتي حساسة ،، لكن مانقدرش نحكم عليه لان استعملته بس مرتين ،، ان شاء الله بعد فترة حنكتبلكم رأيي فيه.
وبس
هذا كان روتيني اليومي لو عندكم اي استفسار اسألو في الكومنت تحت ولو في منتج استعملتوه وعجبكم تنصحوني بيه ياريت تكتبولي اسمه 💗
Posts
جربتها الماركه متع كيلز مامشتش معاي 😐لكن ان شاء الله حنجرب الغسول ونقولك رأي ☺️
ReplyDeleteتختلف من بشرة لثانية ،، ان شاء الله ، جربي وقوليلي رأيك ❤
Deleteعجبني البوست بككككل ، بشرتك شوية قريبة من نوع بشرتي جربي ماركة Avène
ReplyDeleteعدهم غسول حلو بكل
And good luck ��
@Diva
ان شاء الله حنجربها ونقول رأي فيها
Deleteشكرًا عالاقتراح 💕
قداش ليا نبي نجرب ماركة كيلز حمستينى أن شاء الله نجرب ونقولك رأيي
ReplyDeleteبس قبل ما تشري منهم المنتج خليهم يعطوك منه عينة ،، هما عندهم الميزة هذي لكل منتج في سامبل يعطوك الي يناسبك وكمية كويسة ولو مشى معاك اشري الحجم الاصلي،،، وقوليلي رايك بعد التجربة ❤
Deleteشكرا جزيلا لك :)
ReplyDeleteلافضل الانواع ماركه كيلز الامريكيه الاصليه http://arabymall.com/2017/11/kiehls.html بدأت ماركة مستحضرات العناية الأمريكية كيلز” مشوارها في عالم الجمال كصيدلية في منهاتن عام 1851. اليوم، ومن خلال استخدام المكونات الطبيعية لتقدم لكِ الروتين المثالي لحل مشاكل البشرة، الشعر والجسم والعناية بهم، تضمن لكِ منتجاتها المعروفة أفضل شعور بالنضارة والجمال كل يوم. http://arabymall.com/2017/11/kiehls.html يمكنكم التسوق اونلاين عبر مول العرب للتسوق
ReplyDelete