مجموعة sleep sommeil تساعد على النوم

11:03 PM Meciritty 1 تعليقات

السلام عليكم ورحمة الله وبركاته،،

هذي المجموعة من باث اند بُدي ووركس (bath and body works)  تساعد على النوم وترخي العضلات.

في منها نوعين في بريحة اللاڤندر والڤانيليا وفي بريحة اللاڤندر واليانسون، بالنسبة ليا عجبتني ريحة الڤانيليا اكثر لكن هما الاثنين نفس المفعول

اول شي خديته كان الشاور جل او غسول الجسم ،،

 جربته وجدااا عجبتني بالذات ريحته ،، منحبش الريحة القوية بتاع الصابون لكن هذا كانت ريحته خفييييفة ومش مزعجة او قوية الي تحسيها في راسك 😷 غير ان زي رخالي عضلاتي وريحني

والميزة الثانية ان ريحته تعلق في الجسم لأكثر من يوم

بعد ما جربته وعجبني وكملته مشيت شريت المجموعة كاملة.

بالنسبة للكريمة او البدي لوشن حسيته عادي يعني مازاد شي بس يثبت الريحة اكثر 

ثالث شي من المجموعة وهذا الشي حبييييته واجد هو زي المعطر تبخيه على المخدة او المكان الي ترقدي فيه ويساعدك ان ترقدي بسرعة،، الفترة الي استعملته فيها كلن عندي ضغط دراسة ومكانش يجيني النوم بسهولة كنت نرقد ساعتين ممكن 

فاليوم بس لما بديت نستعمل فيه ساعدني وريحني واجد وزي ما قلت ريحته خفيفة مش قوية.

المجموعة هذي صح غالية شوي بس تستاهل بالذات الشاور جل والمعطر .

بس ملاحظة بسيطة لو انت عندك ازما او حساسية ياريت تسألي وتتأكدي ان مايضركش قبل ماتستعمليه💕